15/09/2009

播放本新聞相關短片

錢嘉樂工作認真冧掂粉絲

錢嘉樂對舊愛李珊珊藕斷絲連，繼而傳出男方與湯盈盈分手消息，可見他桃花旺盛。但嘉樂仔實行將男女私情放埋一邊，一切以事業為重。日前嘉樂仔就去咗紅磡曲街為新戲拍攝一場撞車戲份，身為動作指導嘅佢，不時拉住導演及眾工作人員密密斟。期間有一對母女經過，睇見平時嬉皮笑臉嘅嘉樂仔忽然咁認真，都忍唔住停低眼望望。
遇到fans，嘉樂仔又簽名又合照。
  • 遇到fans，嘉樂仔又簽名又合照。

冧完兩母女，嘉樂仔行到附近士多買汽水解渴，突然又有一位女粉絲上前攞簽名，識做嘅嘉樂仔當然冇托手㬹啦，女粉絲仲拉住嘉樂仔傾唔停，咁識冧女仔，難怪他一直周旋於珊珊與盈盈之間！