「虎父無犬子」這句俗語套用在王祖藍與弟弟王亦藍（阿斌）身上，應變為「虎兄無犬弟」。本身演藝細胞爆棚的祖藍，原來細佬亦藍亦不遑多讓，出道不久即擔正做獨立電影男主角，二人笑言如此好戲全靠爸爸遺傳。
王祖藍弟弟王亦藍，早前與廖啟智合演獨立電影《三條窄路》，更擔正做男主角。對於很多人來說，王亦藍的名字應該尚算陌生，其實他有多次銀幕演出經驗，包括《想飛》及《天水圍的夜與霧》等電影。
試鏡成功
談到入行經過，阿斌笑言與王祖藍毫無關係：「嗰時我成日喺文化中心跳舞，有日有人叫我同成班跳舞friend去張艾嘉度試鏡，唔知係咪佢哋覺得我唔怕醜呢，所以嗰次試鏡成功過關。」談到為何對演戲如此有興趣，阿斌表示全靠已去世的父親啟發：「我阿爸份人好好玩，係朋友圈入面嘅開心果，就係因為受佢影響，我同阿哥都好鍾意搞氣氛，可能因為咁，我哋兩個都咁有表演欲啩。」
哥哥驕傲
對於挾祖藍之名加入娛圈，阿斌認為既是好事亦是壞事：「好嘅係會有人留意，但唔好係我唔想啲人因為阿哥先留意我，係咪好矛盾呢？」至於祖藍，則對細佬勇闖娛圈充滿信心：「佢同我係完全唔同類型，會搵佢做戲嘅人係唔會搵我，因為會嫌我浮誇囉，哈！佢係一個好有爆炸力嘅演員，而佢令我最驕傲嘅，係佢真係靠自己嘅實力入呢行，我完全冇幫過佢㗎！」
場地：Privacy＠銅鑼灣
形象指導：Dicky＠王祖藍
文：專案組
攝：劉智源