出生自澳門的余翠芝（Chita），由於本身對音樂充滿熱誠，加上覺得澳門可供歌手發展及發揮的空間狹隘，所以98年畢業後即隻身赴港向歌手路進軍。

沒有人際關係的Chita，為了成功敲響歌手門，曾參加過無數歌唱比賽，在誤打誤撞、「有殺錯無放過」的情況下，Chita在2000年曾有機加入樂壇，可惜最終卻因「情義」二字告吹：「我嗰陣咩比賽都參加，又做特約演員，由於有啲曝光率，喺機緣巧合之下，黎瑞恩嘅經理人就問我有無興趣同幕後音樂人合作，一合作就兩年。其實中途曾經有人問我有無興趣作個人發展，但我覺得唔可以揼低我partner，所以拒絕咗，就係因為咁我繼續浮浮沉沉，喺最失望嘅時候，我都有返番澳門諗住就咁算。」

備受bma賞識

雖然曾想過放棄音樂，不過由於Chita對音樂實在太有熱誠，所以命運還是安排她重返樂壇懷抱。05年，Chita因為替Twins作了《十八變》一曲嶄露頭角，之後備受bma經理人林珊珊賞識，邀請Chita替旗下藝人作曲，並為她發行首張個人大碟。問到以作曲為主的Chita有否試過腦閉塞時，她竟笑稱自己隨時隨地都靈感不絕：「我過過吓馬路都可以靈感到，最快試過五分鐘就寫好一隻歌。」

文：專案組　攝：馬永堅