梁嘉琪（Kaki）雖然身形纖瘦，但其實私底下是大胃王一名，由於經常毫不節制地狂吃零食，Kaki終於「自吃苦果」。早前，Kaki便因吃下太多熱氣零食，以致嘴唇內部生滿「痱滋」，險些變成孖膶腸，Kaki笑謂：「個情況真係好誇張，係連環咁一次過生成十幾粒喺嘴唇入面，唔單止成個嘴腫晒，仲要痛到完全食唔到嘢，真係自己攞嚟衰！生痱滋嗰幾日，我又咁啱日日都有朋友約食飯，見住啲朋友勁開心咁打邊爐同食辣嘢，而我就得個睇字同只可以食白飯同白粥，真係諗起都覺得自己好慘！所以我自此之後都經常告誡自己，就算啲零食幾咁好食，都唔可以食太多，以免再『自討苦吃』，哈哈。」