模特兒Mandy Lieu入行以來首次獲邀任電視台主持，發揮其專長，大談時尚圈盛事，試盡吃喝玩樂新玩意，她說：「我覺得自己有呢個機會好幸運，今次主持20集，原來拍電視節目係咁開心，每日都好好笑，同一班幕後工作人員好夾。」

對於主持節目與做模特兒的分別，Mandy說：「呢次做主持同以前行天橋好唔同，唔係淨係將靚嘢放喺身上，反而知道咗好多美麗事物背後嘅故事，例如我有機會去Tiffany & Co試限量版珠寶，知道Chaumet設計嘅理念，又知道咗邊個幫英女王設計登基鞋，我覺得自己識多咗嘢，真係好有趣。」

背稿靠助手翻譯

Mandy說今次做主持得到男友陳柏霖大力支持，她說：「佢好支持我呀，做咗呢個節目之後，我一見到新嘢就打畀佢，然後就一齊討論，無形中多咗好多話題。」至於不懂中文的她如何掌握劇本，Mandy說：「今次個形式好特別，唔需要背稿，淨係講自己嘅感受，所以都好輕鬆，一啲真係要背嘅嘢就由助手翻譯畀我知。」

文：影視組