樂壇小天后泳兒，皮膚白滑兼且白裏透紅，令人欣羨。但為keep住美肌，購買護膚品動輒要數百甚至過千元，所費不菲。一向慳字行頭的泳兒自製護膚小秘方，她說：「由於磨沙是不可或缺的一個護膚過程，我會用飲咖啡嘅粗粒方糖磨沙，放喺掌心再加冰水，然後喺塊面輕力摩擦一分鐘，咁就可以好有效磨走臉上死皮，而且仲可以滋潤皮膚，一個星期做兩三次就夠，方便又便宜。」
泳兒坦言從台灣美容書籍學到這個護膚方法，她說：「如果用一樽靚嘅磨沙膏，至少要五百元，依家咁做又唔會嘥咗多餘嘅糖包，又可以慳番唔少磨沙膏嘅錢，又有美肌效果，一舉三得。」
