陳偉霆（William）日前出席活動，滿面倦容，與平日無時停的他大不相同，原來他為兼顧拍戲及宣傳，經常通宵捱眼瞓，又不慎整傷手指，認真慘情！
William、洪卓立（Ken）及組合HotCha日前為烹飪比賽擔任表演嘉賓，有份演出電影《死神傻了》的William，透露最近經常通宵拍戲，他說：「我啱啱收工就準備嚟呢個活動，之前嗰晚六點開始拍到第二朝十一點，依家想嘔！場戲講我同C君打交，我就喺後面箍住C君，等佢被人爆樽。」
C君
傷頭
William表示雖然劇組已為他們準備糖膠玻璃樽，但他們仍被玻璃碎割傷，他說自己只傷及左手，但C君被玻璃碎傷頭，William笑言拍得好激：「我都有問過導演會唔會過分暴力，佢話計過啱啱好唔會變三級。」
人氣高企的William，為爭取更多演出機會，亦不介意冇得休息，他說：「最近多咗導演搵我，真係好開心，冇諗過可以參與咁多電影，我都好想拍戲，但又想平衡番唱歌，不過我諗都捱唔到好耐！」
Ken捱唔慣
同場的Ken則「眼紅紅」現身，他指早上起床即感不適，Ken笑言：「可能我同William都係唔啱做呢行㗎啦！（可以爭取休息？）如果唔減少工作量而又可以休息就好啦！」
文、攝：音樂組