謝天華昨午一時離開住所到咖啡店醫肚，期間巧遇杜貞貞，兩人寒暄一番後杜貞貞先行離開。對於報道指天華嫂自殺、被天華打，杜說：「冇！唔好信呀！人哋冇嘢！」十分鐘後，天華出發前往醫院，當被問到對指控是否憤怒？天華即謂：「唔係嬲唔嬲！唔使玩到咁大。」其後天華抵達養和醫院，逗留至下午三時四十分，便接老婆Tina離開醫院，並手拖手給傳媒拍照。

Tina講好話

大晒恩愛的天華嫂向傳媒澄清入院原因：「係我空肚潛水，搞到暈要叫白車，醫生話有啲燒要留院，唔係咩耐人尋味嘅事，報道寫得太過分，熟悉我哋都知唔會有打老婆呢種事，況且我有潛水教練做證。」

天華接着說：「今次玩笑開得太大，我阿媽睇咗報道好擔心，再有咁失實報道影響我家人健康，會追究到底。（減少夜蒲？）做呢行無可避免要飲嘢同影相，張相都冇激烈行為，唔排除有人博宣傳，拎住張普通合照做文章，奉勸男藝人小心呢種情況，如果唔阻止，遲啲會變成一種趨勢。（有指你喺救護車上求妻原諒？）我唔知報道寫乜，若影響我同屋企人，會以法律討回公道。（王璐瑤有冇SMS你？）我唔熟呢個人。」Tina又幫口道：「有心人裝冇心人，好難防，我做呢行十幾年，唔會咁易受影響，好唔好自己知。」說罷與天華登上的士，兩人落車後依然十指緊扣，天華嫂步履輕盈，健康明顯好轉。

無綫發聲明

無綫方面亦透過律師行替天華發聲明，指天華嫂自殺的報道純屬虛構，謝天華沒有做出傷害太太的行為，謝天華將就有關失實報道採法律行動。

此外，李香琴昨午亦有現身醫院，她表示例行檢查。

文：影視組