已移居北京的周文健，前晚專程返港賀Kenny，並大爆Suki婚期是11月15日，會返來飲他們的喜酒，問他送甚麼給Kenny，他直言：「梗係BB衫啦！（佢哋唔認㗎喎！）紙係包唔住火嘅！」
曾與關淑怡拍拖的周文健，表示跟對方已沒有聯絡，都是看報紙才知她的新聞，問可信關未入行前已結婚？周說：「佢十八、九歲時仲喺美國跟家人生活，佢返香港加入娛樂圈就同我拍拖，我都冇聽佢話結婚，（關話當年係你不想公開戀情？）我依家唔係呢個圈，唔會介意形象，我有睇報道，覺得對我唔公平，嗰陣佢唱咗《難得有情人》呢首歌，一炮而紅，而我又冇乜知名度，咁做都係為佢好。我都離過一次婚，依家都有第二任太太。」
