徐濠縈與黃偉文前晚出席Chanel活動，廿四孝老婆徐濠縈透露最近買了Chanel結他給陳奕迅，她說：「專登喺法國訂畀佢，成五位數字，我仲要幫佢度身訂造個結他套。（你送畀佢？）我同佢邊有計。」
早前與好友何志恩合作設計時裝的徐濠縈，身上穿了新一季的作品，她笑言因此而減少置裝，她坦言：「慳番啲錢投資喺囡囡度，不過買畀個女都係有限錢，我覺得小朋友唔需要着名牌，留番我自己嗰啲畀佢咪仲好。（你會唔會出童裝？）係另一門學問，將大人衫縮細做童裝未必好。」
另外，黃偉文表示曾為購買品牌男裝而飛往巴黎，他去年在巴黎二手店買到Chanel的肥婆尺碼的女裝，他說：「我搵咗十幾年，係我第一件女人Vintage Chanel，到依家都未捨得着。」