前晚阿Sa、陳偉霆、張智霖（Chilam）、周柏豪及陳柏宇等出席「EPS Forever Green 25音樂會」。阿Sa獲大會安排打頭陣兼壓軸，地位超然！罕有性感現身的她，以黑色透視裝襯閃爆leggings，盡顯骨感美，連Chilam與她合唱時亦忍不住大讚性感。阿Sa直言最緊要靚：「我性感極有限，頭先同事仲問我做咩唔墊多幾個pad！」

張智霖對阿Sa的性感打扮讚不絕口。

左起：周柏豪、陳偉霆及陳柏宇前晚齊齊出席活動。

想盡快重組Twins

阿Sa表示主動邀Chilam合唱《現代愛情故事》：「細個時爸爸成日逼我同佢唱，好想同Chilam唱一次！（當Chilam係爸爸？）唔係，佢好後生咋！」對於阿嬌有意盡快重組Twins，阿Sa說：「我都想，都諗緊新碟寫首合唱歌。」

陳偉霆唔讚Baby靚

同場的陳偉霆亦Deep V上陣晒胸肌，但笑言被阿Sa的透視裝擊敗：「我未見過佢咁性感，真係好靚！（Baby定阿Sa靚啲？）阿Sa靚啲，Baby未見過唔知呀！」

另外，Chilam前晚出席另一活動，提到好友郭富城與王秀琳的緋聞時，他說：「呢個時候收聲當幫忙，唔好講佢！」

文：音樂組