【陳奕龍澳門直擊】十位《2009亞洲小姐》港澳賽區候選佳麗，昨日出席澳門賽馬會親善活動，並以密實騎師造型上陣，為「馬上英姿」攝影比賽擔任模特兒，期間佳麗們在攝氏三十多度的高溫下暴曬拍攝，難怪拍到大汗疊細汗，狀甚辛苦。
無損好心情
其中有「o靚版關之琳」之稱的風頭躉(7)仝曉燕，雖然連日來均被指曾整容，不過無損她在澳門進行親善的心情，更表示今早還去騎馬，她謂：「今朝早去咗騎馬，之前都有學過，因為有興趣。（有冇嚟過澳門？）有，同屋企人嚟觀光。（有冇賭錢？）我冇，只係屋企人玩，不過輸咗幾萬蚊。（擔心整容報道影響評判評分嗎？）唔怕影響，都係謠言嚟。」
勝在夠平均
至於，(10)楊凌智就表示在烈日拍攝，感覺都幾辛苦，提到仝曉燕搶風頭一事，她謂：「佢係比較突出，每個人都有自己嘅長處。（你長處係咩？）勝在平均，希望依家會適應集訓，盡努力入決賽。」而現場(4)魏萱嬅就因眼睛發炎，所以要戴着太陽眼鏡示人。