前日，剛從韓國宣傳電影返港的Elanne，隨即應邀出席Diane von Furstenberg時裝騷，Elanne自爆韓國一行有幸與組合FTI合唱情歌，又有機會認識導演麥兆輝和莊文強。

談到擔任女主角的電影《關人7事》，Elanne透露與拍檔Chrissie非常啱嘴形，坦言羨慕對方的勁爆身材，不過自覺身材不俗的她，承認拍埋Chrissie的32D上圍依然差得遠，難怪Elanne要Chrissie行開啲，她笑言：「我成日同Chrissie講，叫佢離我遠啲，佢腳長胸大，上天真係唔公平！」

江若琳（右）與周秀娜保持距離。 （資料圖片）

Rosemary率領一眾模特兒出巡謝幕。

無意作後天加工

不過Elanne就無意為上圍作後天加工，更大方公開32吋的上圍呎碼，以Apple比作咪咪：「其實我都有32吋，Cup數係Apple（即A Cup）啦！」不過，事後Elanne又感到尷尬，要求記者不要公開其上圍呎碼。談到在戲中會否被Chrissie搶鏡時，Elanne否認：「冇計較呢啲嘢，大家好啱玩！」

溫碧霞與夫婿何祖光十指緊扣睇騷，恩愛非常。	艾永玲已懷孕七個月。	琦琦與任達華拍拖，無諗過保密。

溫碧霞寧養熊貓

此外，溫碧霞亦與夫婿到場，她透露在成都認養了一隻國寶熊貓，每年花費五萬元，問到是否照顧動物不生BB，她說：「冇諗，我哋都係不設防，唔排除日後想要，但呢一刻唔想，唔排除會領養。」同場的琦琦就透露當年公開與任達華的戀情是自己的決定，她說：「冇諗過唔公開，公開係自己揀。」

至於久未公開露面的名媛艾永玲就第三度懷孕，談到家庭生活，她說：「大仔4歲半，細女3歲半，呢胎係計劃，十一月生BB。」另外，她透露移居日本三年，最近回流香港。

文：名人組