本文重點
鄭融、薛家燕及麥玲玲等十二位藝人，應邀參加「第七屆明火食神爭霸戰」名人組賽事，小四已下廚的鄭融，對烹飪信心十足：「以前都煮過畀男友食，太好食喇，冇人會抗拒到！」對於日前性感現身Lady GaGa演唱會時被指暴脹，鄭融坦承因工作壓力而水腫，更自爆開騷前鯨吞兩塊牛扒補充體力：「嗰日冇食過嘢，食完感覺真係實在好多！（減肥？）唔會，我瞓番就會瘦㗎啦！」
麥玲玲幫Suki擇日
而出動私伙靚鮑魚應戰的堪輿師麥玲玲，對徐淑敏（Suki）夫婚夫黃浩被指扮有錢，即力撐對方說：「有冇錢係睇吓同咩人比啫。（扮買匡湖居？）佢哋係想置業，但未落實買邊咪租住匡湖居先。」玲玲更笑言遭小儀投訴：「佢話我介紹好嘢畀Suki，佢嗰啲就咁岩巉！」她又透露已為Suki擇好日結婚：「幾個好日都係11月中，佢哋又諗緊喺四季、尖沙咀凱悅定係洲際擺酒。（幾多圍？）應該會大擺，男方好多親友。（幫佢哋算八字？）佢兩個條命生三、四個冇問題！佢依家飲食好小心，蝦、蟹都戒晒，連熟魚都唔敢食。」似暗示對方有喜。 文：音樂組
