ChiLam與靚靚經常四出搵食，雖然他最近忙於唱片工作及拍攝廣告，但日前夫婦倆仍相約飯腳沈嘉偉及其弟，前往上環「尚興」歎潮州菜，但同行卻未見兒子慕童。當晚大約九時，ChiLam做柴可夫司機，親自驅車接載靚靚到食肆，二人見沈嘉偉的座駕已停泊在食店附近的馬路旁，ChiLam即有樣學樣，之後雙雙步入食店會合沈嘉偉兄弟。

靚靚發現座駕被抄牌，又唔見三百二十大元。

張智霖近期忙於唱片工作。

沈嘉偉視若無睹

一行人用膳約個多小時後埋單離開，先行步出的ChiLam及靚靚心情極佳，沿途前往取車時更邊行邊傾，但當靚靚發現老公及沈嘉偉的座駕因違例泊車而遭警員抄牌，估不到這一餐「加餸」牛肉乾，又唔見320元，靚靚即時嘴扁扁，木無表情的她連忙把告票拿走，並示意老公開車走人。

反觀隨後的沈嘉偉及弟弟，取車時發現被抄牌，身家豐厚的沈嘉偉對車頭告票視若無睹，兩兄弟齊齊乘車離開。