林峯、楊怡、馬國明、廖碧兒、陳芷菁、胡諾言等昨日出席無綫新劇《談情說案》拜神活動，林峯一到埗即透露前日吃錯東西搞到腸胃炎，他說：「唔知係咪喺屋企食咗過期嘢，尋日下晝已經開始屙，夜晚仲有少少嘔，所以尋晚喺賑災活動上，已經好唔舒服，到今朝即刻去睇醫生打針，今晚仲要出席慶功，但係無法盡情擦餐飽。」至於陳芷菁則懷疑誤食變壞的蛋沙律三文治，搞到肚屙收場，就連參與賑災活動亦要中途離開。

林峯透露自己因吃錯東西導致腸胃炎，在家又屙又嘔。

一眾演員出席新劇之拜神活動，並齊齊切燒豬。

被讚成熟穩重

而與林峯在劇裏飾情侶的楊怡，透露已多年未有與對方演情侶，今次與他再「拍拖」的感覺與以前不同，楊怡表示：「我同林峯好多年冇做情侶，近年佢主力同鍾嘉欣演情侶，不過再次做情侶感覺唔同咗，覺得佢成熟穩重咗，大家都好似大個好多咁、情感多咗好多。（驚唔驚同林峯傳緋聞？）我係緋聞絕緣體！」林峯對於楊怡的讚賞表示感謝，他亦不忘笠高帽大讚對方女人味不少，愈來愈靚女。

攞緋聞開玩笑

此外，楊怡笑言馬國明想與她傳緋聞，更追問馬國明覺得她好還是胡定欣好，而馬國明亦十分識做，直指楊怡較好，其後二人更交換生果，場面搞笑，不過事後楊怡笑說：「馬國明覺得我好啲？你見唔見到佢攞個橙冚住良心呀。」

文：影視組