郭富城出任聯合國兒童基金會香港委員會大使，更藉着本月在上海參與的慈善賽車活動，出錢出力希望籌得一百萬港元善款作為目標；對於有指與舒淇合作新戲後感情大增，城城連忙用四個「冇」強調清白。
城城昨日出席委任禮正式宣布成為聯合國兒童基金會香港委員會大使，城城表示：「我係一個好傳統嘅男人，所以本身好鍾意小朋友，希望可以幫到其他貧窮地區嘅小朋友。」而城城稱本周六、日將參加上海賽車比賽，其實早在去年已有計劃希望透過賽車運動為自己的基金籌款，現適逢成為聯合國兒童基金會大使，故藉今次出賽各贊助商給他的贊助費作慈善用途，而他善款目標為一百萬。
打定防疫針
至於完成慈善賽車活動，城城於八月三十一日便出發到泰國北部的湄洪頌作五日探訪，城城稱出發前會打防疫針及會帶備醫療藥物，他並謂：「因為嗰度好落後，都冇乜人知有咁嘅地方，冇人去關心嗰度啲小朋友。」
得獎係bonus
提到城城憑電影《白銀帝國》入選內地「華表獎」的「優秀境外華裔男演員」，城城表示：「有提名已經係一個肯定，有獎係錦上添花啫，冇亦唔會失望。（有冇信心？）用咩形容呢，會用上進心嘅心態啦！」而因城城與舒淇合作後被傳感情大增鬧緋聞？城城即連聲說：「冇冇冇冇，大家誤會啦，我哋識咗好多年，係好熟嘅老朋友。」而舒淇憑《非誠勿擾》提名「優秀境外華裔女演員」，城城謂：「有睇過，做得好好呀。」 文：音樂組