《2009香港小姐競選》將於八月廿二日（周六）舉行，並邀得李嘉欣、任達華等擔任評判，張智霖（ChiLam）、黃宗澤、曹格等擔任表演嘉賓，大會司儀則由曾志偉、陳百祥及崔建邦負責。大會統籌經理陳家揚昨坦承邀得朱玲玲負責擔任冠軍加冕嘉賓，不過為免尷尬，未有考慮邀請去屆冠軍張舒雅列席。

李嘉欣（中）站在一眾港姐之中，依然是最「標青」的一位。	李嘉欣（右）傳授眾師妹選美心得。	曹格（中）是一眾表演嘉賓之一。

藐嘴照純屬誤會

嘉欣昨被安排與十位師妹並排合照，貴為城中大美人，嘉欣當然「獨佔鰲頭」，更有人開口說：「你再選都贏呀！」令伊人甜笑不已。對於佳麗外貌備受批評，嘉欣笑說：「都唔係吖，佢哋愈嚟愈靚。（心水呢？）唔講得，不過除咗美麗嘅外表外，有時性格都好緊要。依家啲報道係苛刻咗啲，或者畀機會同時間，去發掘佢哋最靚嘅一面。」

早前嘉欣被拍得評閱本屆港姐資料時「藐嘴照」，昨日她趁機澄清說：「我當時係睇緊自己公司文件、要簽嘅合同，純粹係自己嘅工作安排！」而「翻版許愿」B林潔瑜被嘲諷，卻在網上搜尋榜人氣高企，嘉欣謂：「我唔會受呢啲新聞影響嘅。（知唔知吳君如都做提名人？）知道，不過當年我都只係家姐提名，相信邊個提名，對待（候選佳麗）都應該一樣。」

小康妮來港獻技

另外，2007年《全英一叮》亞軍小康妮Connie Talbot今日抵港，準備為本屆港姐擔任表演嘉賓，並夥拍ChiLam合唱一曲《Over the Rainbow》，年僅八歲的Connie甫下機即爭取時間與ChiLam會面及綵排。

文：影視組