o靚模蔡頌恩（Evelyn）與「新邦民女」陳嘉寶（Anjaylia）昨日一同出席「The Swatch Artist Collection」活動，Evelyn再度否認與Mr.成員Tom的緋聞，說：「我哋係好朋友，（影到你買消夜畀佢食喎？）嗰晚佢哋出完show，我咪買個芝士蛋糕幫佢打氣囉。」但問她是否為顧及形象而將戀情保密時，她竟說：「公司都冇話阻止我哋拍拖。」口供前後不一。
而對於周秀娜（Chrissie）被椋名凜指像AV女優，Anjaylia就力撐師姐說：「我覺得Chrissie好靚好大方，外表好前衞高貴，唔似AV。（佢被狂迷以粗口性騷擾？）世界咩人都有，相信佢會冇事。（覺唔覺得係因為佢平時嘅言行過火而招惹呢啲人？）Chrissie都係有嗰句講嗰句。」近日有網民表示希望看她的性感照，問她可會盡地一「脫」？Anjaylia笑說：「性感唔係我嘅路線。」