Juno前晚與Louis同舉行音樂會，甫開場Louis以蘇格蘭裙現身，Juno亦穿上大Deep V上衣示人，最後他們赤裸上身騷胸肌，問誰身形較fit？Juno指Louis是力量型，自己是鋼條型，而Louis即搞gag說：「佢係勁型，我係ＯＫ型囉！」
大會邀得吳雨霏（Kary）作神秘嘉賓，但三人對唱時，Juno與Kary全無交流，問他是否刻意避嫌？Juno說：「唔關事，只係今次個音樂會想有多啲戲劇感，大會叫我唔好同Kary、Louis有交流，好似各自做咁，而且Kary個角色係女鬼嘛！」他又自爆音樂會期間，兩度忘記拉褲鏈，頓覺胯下陣陣涼意，幸好只是有驚無險。
