【倪小珊澳門直擊】蘇永康和許志安昨日在澳門宣布九月三日在當地舉行一場「安康唱好澳門演唱會」，並即場進行打手印及祝酒儀式。有傳康仔近年四出登台已賺近千萬，安仔即踢爆老友「聽聞賺過億」，康仔即說：「邊有咁多呀，只係韓圜同Yen（日圓）！」
問康仔是否為儲老婆本？他笑言娶老婆唔使老婆本：「如果個老婆要老婆本就唔好娶！」
安仔聞言又寸嘴道：「係呀，佢搵老婆要搵啲多錢啲嘅，要老婆儲老公本！」
安仔又憶述十年前在澳門拍電影《藍煙火》，有晚食消夜跨過欄杆時失衡拗柴，翌日腳腫如豬蹄，拍追賊戲要搵架車推住扮追賊，認真瘀爆！
