談到Melody被人摸patpat，E Cup Baby聞言即緊張地說︰「捉唔捉到兇手呀？可能多人，所以要記得將手放喺前面（護胸），沿途我都有攞扇保護心口。」對於Melody原本不打算報警，E Cup Baby覺得若發生這種事一定不能怕︰「要第一時間捉住對方，唔好畀佢咁易走甩。」對於鍾蕙芝因退選Image Girl而與趙碩之掀罵戰，E Cup Baby相信是誤會一場︰「應該唔會，我之前都見過趙碩之，佢份人唔係咁，可能有誤會。」

Lavina一味靠惡

另外，鍾蕙芝（Lavina）昨日先以Gamegirl身份登場動漫節，再化身天使造型為寫真集《夏之盛放》宣傳。對於Melody被摸patpat，她也戥對方慘情︰「吓！真係㗎！好慘呀！女仔一定要提高警覺，我個樣惡，未畀人博過懵，亦唔使人保護，之前影到個六呎高警察唔係我男友，我只係行到攰，一攰就攬人。」

對於她退選Image Girl與趙碩之掀起罵戰，她表示從沒說過對方不夠級數，退選只因有合約在身。另外周秀娜推出攬枕，她表示不會購買。Rainbow亦謂無意買攬枕︰「我哋健康性感，最多只會推出海報，（你覺得佢唔健康？），諗歪會變邪念。（你會唔會買？）唔會，唔通裏面喺天鵝絨？」　

趙碩之冷笑師妹

另外慘被博懵的Melody，接受完電子傳媒的訪問後，與同公司的趙碩之、戴夢夢及Yumi合照，期間有記者叫三女上前安慰Melody，但只得站在旁邊的Yumi願意上前擁着對方，其餘兩位師姐站了良久都沒行動，更忍不住偷笑，認真真情流露。

文：名人組