同屬「o靚模戰場」的動漫節昨日開鑼，Kama與「八模兵團」的Da Da及A. Lin齊以Cosplay亮相宣傳「XBOX 360遊戲環球影城」。Kama化身「鐵拳6」的女主角，而Da Da與A. Lin分別扮演「Magna Carta2」的女主角Zue與Clare Setilan，不過，與同場十位打扮性感的Cosplay女模相比，她們明顯保守兼遜色。

十位女模出力露腰或谷胸，尤其○六年落選港姐黃瑩，穿上低胸裙，大騷35D逼爆上圍，跑贏三位o靚模幾條街，令現場的一大班宅男瘋狂。

撐周秀娜攬枕

Kama表示服裝是由大會安排，並非怕鹹豬手，更不介意被搶鏡。提到趙碩之師妹陳若嵐（Melody）在會場被摸，Kama大感愕然：「吓！係呀？現場人多都有啲驚，我會雙手護胸，唔會一個人周圍去，亦要現場工作人員同助手保護自己。」

對於好姊妹周秀娜出人形攬枕，Kama稱從報章見過，問到未有推出任何產品可感蝕底？她說：「唔會！各有各方式。（會唔會幫襯﹖）啱男仔多啲，女仔攬靚仔！我就無意出攬枕。（畀人攬唔自然﹖）只係從來無諗過出，攬枕係用嚟攬，有冇樣唔重要。」對於人形攬枕被指與吹氣公仔無異，Kama即為對方大講好話：「咁又唔同，攬枕有好多用途。（意識不良﹖）都唔會！」

力谷35D上圍的黃瑩成為全場焦點。

Da Da（左）及A. Lin的造型不夠之前的水着照吸引。

黃瑩恨出寫真

力谷35D的黃瑩自信地表示大會認為她能勝任該低胸衫，才安排她穿着，她透露剛簽約唱片公司，會與其他模特兒組成五人組合，走健康性感路線。問到會否推出寫真，她表示：「我都想，暫時未有人搵我出。（性感底線﹖）總之要遮晒三點。（會唔會影裸照收藏﹖）唔會，但大肚嗰啲就OK。」

文：名人組