Chrissie的人形攬枕昨天正式開賣，雖然合共推出一百個，但大會每天只限量發售二十個，故昨日攤位已逼滿近二百名宅男，而其人形攬枕開售至今已賣出120個。由於攤位人頭湧湧，Chrissie未能進入攤位，最後改在會展一角的洗手間門外進行訪問。

被指損女性美德

問到會否怕有人以攬枕作性幻想用途，Chrissie說：「我冇諗過用途係咁，點運用我控制唔到。」至於白韻琴指其攬枕猶如吹氣公仔，Chrissie說：「入面係棉花，係唔需要吹氣，可以慳番啖氣！」對於Melody被非禮，Chrissie認為應報警及給予懲罰，並謂︰「近期有太多呢啲事發生，唔想講太多。」

而對Chrissie推出攬枕，有人支持自然也有反對聲音，一名暱稱為Wai Yi的網友在Facebook發起「反周秀娜及只懂拋胸之o靚模大聯盟」組群，獲368名會員加入，大部分會員指對Chrissie的性感打扮十分反感，Kelvin Law說：「佢咁做係違反中國傳統女性美德。」昨日更有網友踢爆其產品是抄橋，日本水着女星星野亞希早於05年推出人形攬枕，與Chrissie極之相似！星野亞希的原大攬枕長1.6米，枕上印上其水着造型，索價約1,100港元，而Chrissie的攬枕同樣以人形比例製成。

陳年黃牙照流出

對於網友指攬枕及刷牙甫士是抄襲水着女星星野亞希，Chrissie說：「我好欣賞對方，之前有參考過唔同寫真集，刷牙呢個甫士我冇印象睇過。」其經理人則言推出攬枕是基於市場需要，也知道之前日本有推出過。

此外，網上亦出現一張疑似Chrissie陳年舊照，相中的疑似Chrissie穿上啤酒制服，被網友取笑「棚牙勁黃」。

另外，同樣有推出攬枕的Da Da與A. Lin，被問到白韻琴指人形攬枕與吹氣公仔無異時，她們絕不認同：「唔似，我哋係攬枕，入面係棉花，唔係吹氣，而且係長方形。（怕唔怕佢哋用作其他用途？）佢哋只係收藏，當精品。」

文：名人組