許志安日前到北京宣傳新國語專輯《歌人》，好友張衞健突然現身到場祝賀，安仔見到老友健仔突然出現，本來已經十分意外又驚喜，但健仔再加碼給安仔驚喜，突然送上一幅親自用毛筆寫上的大字，內容是安仔的新歌《如果…如果…》裏的歌詞，以表達他對安仔時隔四年再推出國語專輯的真摯祝福，令安仔感動得幾乎哭了出來。
安仔說：「健仔喺電話同我講唔記得咗我今日開記招，我真係失落咗幾秒㗎，估唔到佢串通工作人員畀我驚喜，佢已經唔係第一次，好多年前都試過呃我，話要工作不能出現，最後我唱唱下歌，後台無端響起歌聲佢就走出嚟，搞到我亂晒，我覺得我好幸福，有張衞健咁嘅好朋友咁愛我，我都好愛佢，如果佢係女人，我一定娶佢為妻，可惜佢係男人。」