書展今日展開，記者昨到會展場內巡視，發現曾傳不和的Baby和Kama，雖屬不同公司，但兩人的寫真集竟被安排於同一攤位發售，工作人員正進行布置，兩人的巨型海報正好一左一右被掛在攤位高處，形成對撼局面，Angelababy以大頭露肩相迎戰，Kama在海報中則穿T恤露小蠻腰加熱褲上陣，而兩人的寫真都恰巧有半裸露背相，要分勝負絕對不易。

Baby在巴黎取景的第二本寫真集《Miss Angelababy》，有穿晚裝的大露背相，又有多張泳衣照，更有穿泳褲的瞓床照片，健康中帶性感。

感動落淚

Baby昨於apm的2%舉行寫真首賣日加簽名會，獲過百粉絲支持，早於活動開始前個多小時已有粉絲排隊等候。對於廣獲支持，Baby說：「已經加咗籌，尋晚（前晚）Fans Club嘅Leader打畀我話好多人攞唔到籌，我聽到感動到喊，有咁多人支持，其實我書展仲有多一次簽名會。（覺得自己同(o靚)模唔同？）每個模特兒都唔同，但依家啲人覺得(o靚)模太性感同好多是非。（會否買其他(o靚)模嘅寫真？）有機會都會行吓睇吓。」

懶得羨慕

對於Kama早前到貝沙灣睇樓，Baby說：「我成日都要羨慕咪好唔得閒。（周秀娜本寫真畀人話意識不良喎。）唔識答，唔同類型嘅人會接受唔同嘅嘢，我就好鍾意Fashion。（有冇周秀娜咁嘅膽量影呢啲相？）應該唔會。」

文：名人組