楊千嬅昨日現身機場，以聯合國兒童基金香港委員會大使身份飛往雲南進行三日兩夜探訪，實地了解早前再次發生地震造成的影響，對於前男友鄭中基（Ronald）成為傅穎愛情騙子事件嫌疑犯，她表示未有留意報道，但力證Ronald為人說：「呢啲故事嘢啫，我識嘅佢唔係咁嘅人，多口佢就會。」
對陳慧琳一索得男，千嬅表示會待對方休息後才致電恭喜，有否激發生仔衝動？千嬅笑言：「生唱片先，我九月出碟喇，（今年出嫁？）都係雜誌寫啫，佢哋比我父母更加擔心我！」老闆黎明前晚開騷期間，發生炸彈疑雲，千嬅表示不知情，但有SMS為老闆打氣，她會去睇尾場。此外，千嬅將再夥拍鄭裕玲出任香港先生司儀，她說：「原本推咗，問過監製點解再搵我，佢話我上年都好好笑，不過暫時未見過班參賽者。」