當網民發起反靚模行動組織，禁止她們亮相今屆書展的同時，無綫總經理陳志雲昨午出席活動時，談及他即將推出飲食新書，並將於書展舉行座談及簽名會，他坦承也不鼓勵靚模「歪風」繼續。
陳總說：「呢股風氣喺歐美、日本都好流行，依家先吹到嚟香港啫。好明白家長擔心啲乜，所以贊成書展另闢一個位置畀佢哋，大家可以選擇性行唔行過去。我亦有同同事講開，錄影咗嘅節目冇辦法啦，跟住嚟嘅就唔好，呢種風氣唔值得鼓勵，肉太多嘞！」
港男廚神飛靚出局
言下之意下令全面封殺靚模，在陳志雲一聲令下，將於下星期六（25日）舉行的「2009香港先生選舉」即時首當其衝，其次是請一眾靚模出賽的《美少女廚神爭霸戰》，亦決定將一班靚模「飛出局」！
據悉，本屆港男有意邀請靚模如E Cup Baby、Lavina、Rainbow及Kama等出任模特兒界別組評判，不過監製何小慧接獲陳總order，即表示評判卡士尚未落實，她說：「不過公司行政上需要，我哋都會配合嘅，可以邀請多啲其他模特兒（當評判）㗎。」一班靚模未能奉旨
型男，又失去亮相電視節目搶人氣，失望之情可以理解。
Lavina唔恨冇錢騷
E Cup Baby大表可惜說：「感受唔到現場氣氛添，不過都尊重TVB嘅決定。」Rainbow則希望明年待自己18歲成年後，再獲邀出席相關活動。好姊妹Lavina則不覺得「斷米路」：「做嘉賓都冇錢嘅！」
至於「八模兵團」的A.Lin對陳總封殺靚模，愕然說：「吓！咁《美女廚房》咪要腰斬？佢哋仲請我上《美少女廚神爭霸戰》添，『美味天使』又點呢？可能陳總唔想風頭火勢火上加油啫。」不過在新一輯《四葉草》內演出的DaDa則獲監製錢國偉力撐：「靚模定義係未成年，淨係拋胸賣肉，DaDa喺劇入面個角色有內涵，佢成咗年嘞，唔好將佢同靚模混為一談！」
對於旗下同樣出寫真的「美味天使」，陳總揚言她們已經成年，且多是舞蹈藝員出身，與靚模風馬牛不相及。對時下青少年有意進軍娛圈，他語重心長的說：「我都搞咗個選秀活動啦，除咗賣身材都可以賣藝嘅。」
另外，昨日一班「美味天使」包括「藍莓」劉俐、「香蕉」王淑玲等齊為寫真集宣傳，「香蕉」否認慘遭雪藏及飛出《美女廚房》：「工作係公司安排，點解咁安排唔講嘞。暫時我會宣傳寫真集先囉，其他嘢唔使同外間交代。」
搶客必殺技
書展將於下周三（22日）舉行，今年靚模「胸」群狂攻書展，這股「胸」軍銳不可當，亦各有必殺技。
八模兵團 《Girls' Look Book Vol 1.2書展終極版》
搶客招：加印一百版精美彩頁及逐一與頭一百名捧場fans握手。
黃婉佩（Race） 《我‧黃婉佩》
搶客招：動用六名專業攝影師拍攝多輯封面供fans選購，以高格調性感路線吸引捧場客。
曹卓榣《Cc＠一個人的初戀》
搶客招：派發精美書籤及海報。
美味天使《Taste of Angels》
搶客招：以平時難得一見的水着look在寫真集登場，賣點是物以罕為貴。
文：影視組