09/07/2009

播放本新聞相關短片

王喜唔知「不和」真定假

王喜昨日接受查小欣電話訪問，問到同拍《烈火雄心３》又曾屢傳不和的鄭嘉穎，提議全劇男演員着泳褲谷收視，王喜反對說：「如果好收視就着三角褲，唔好收視係咪要推出午門斬首呀？搞演員問責制呀！」查小欣又問王喜和鄭嘉穎的不和傳聞，是真還是宣傳橋？王喜竟表示：「唔知喎，呢個世界好多是非融合埋一齊，我哋係同事囉！」

王喜曾和視鄭嘉穎為愛將的無綫高層樂易玲針鋒相對，問他為何沒有出席早前樂易玲的生日派對？王喜則說：「都冇人通知，冇人請，不過我會補個電話畀佢，補祝佢生日快樂。」