洪天明及湯盈盈日前齊齊搞生日派對，更邀得多位圈內外朋友出席，當中包括曾志偉、陳百祥、文頌嫻和姚樂怡等，一共有五六十位好友到場。這次是二人首次一起搞生日派對，問天明為何不在正日舉行，他說︰「因為都要就啲朋友嘅期，盈盈又要開工，志偉之後又要飛，提早搞冇所謂，最緊要大家玩得開心。」
期間眾人大玩掟蛋糕，志偉、天明更遭蛋糕抹臉，天明笑言︰「係志偉搞人先嘅，之後咪一齊圍攻佢囉！」問到生日願望，他坦言希望盡快搵夠老婆本、生仔本，記者笑他未娶老婆就諗定生仔，天明謂︰「老竇急呀嘛！我都叫啲細佬盡量快啲，不過睇佢哋都未有耐，惟有努力啲。」
