何韻詩（何詩）爸爸與友人合資的車行昨日開張，蘇永康、梁漢文、徐濠縈、杜汶澤、林一峰及at17等多位圈中友人出席，阿詩表示沒有投資爸爸的車行：「佢都係差唔多開幕先話我知，連嘉賓都係佢自己請。」
單拖到場的阿徐否認與Angelababy的經理人公司簽約鋪路復出，有傳她因老公陳奕迅與謝安琪的緋聞，現有意經濟獨立，阿徐說：「使唔使咁大件事？緋聞啫！（信老公？）信得過！」至於老爺陳裘大的健康狀況，阿徐謂：「老公唔想講，我唔答啦！」對於張栢芝傳有喜，阿徐及康仔均表示不知情，康仔更笑言：「栢芝由成年嗰日已經發仔瘟㗎啦，等我求證吓先！」
