泳兒與王祖藍昨日以「情侶檔」姿態齊擔任快餐連鎖店代言人，會上兩人除獲贈金碗外，更即場互餵美食宣傳火鍋，有人推波助瀾叫兩人來個「合交筷」，泳兒及祖藍也合作照做。泳兒今次冧莊成功再做代言人，不過拍檔不再是湯怡及鍾舒漫，而換上祖藍，但祖藍就否認踢走兩女，他笑着澄清沒有搶人飯碗：「係送條仔畀泳兒啫。」
狂食補充體力
談及拍廣告趣事，兩人說可以奉旨爭食，泳兒狂食咖喱飯及飲湯，而祖藍就好誇張，一口塞滿六、七粒牛丸。問泳兒可擔心變肥妹？她說：「我怕㗎，不過之前開演唱會瘦咗，依家要食多啲補充番。」祖藍則在旁賣口乖說不覺泳兒肥。
泳兒又大讚與祖藍合作愉快，會向唱片公司提議兩人來個合唱，尤其拍畢廣告後覺得大家很合襯，祖藍則和應說：「好提議！泳兒曾經同林峯及海鳴威合唱，如果我可以代替兩位型男，咪可以提升自己嘅成就感囉！」
文：音樂組