走出陰霾的Theresa相信自己會快樂起來，她笑說：「近期好快樂，一做嘢就快樂，好似上電咁。」談到她即將推出的新書《我會快樂的》，她說：「書名係我自己諗，呢樣係我心底最渴求做嘅嘢。」書中由她暢談對家庭、朋友、愛情的感受，甚至與鄧麗欣不和、整容、走音等事件，並加插親手繪畫的水彩畫。

Theresa感謝歌迷對她不離不棄，圖右為小肥。 （資料圖片）

Theresa在新書中，會大談一些近來的負面新聞，包括和鄧麗欣不和等傳聞。

逼自己埋牆

Theresa承認走音事件是她人生中最大污點，她說：「我知抹唔甩，就算我幾努力都delete唔到。」她會勇於去接受這污點，她說：「畀人話五音不全，甚至一些難聽嘅說話，係幾咁hurt，我只係覺得自己唔爭氣，點解會咁緊張？咁有壓迫感？我覺得自己好錯，逼到自己無路可走。」但她絕對不會放棄唱歌，她笑說：「對唔住各位！我唔會咁易放棄。」她定會克服心魔，再次踏台高歌。

失落多靈感

Theresa自覺人生路上的事業同愛情比較曲折，她笑說：「唔係太平坦，開心事梗有，但往往都係唔開心嘅嘢，特別有靈感去寫，我係好易畀愛人影響情緒，所以我要多謝嗰啲男仔，畀咗咁多靈感我。」承認身邊有追求者的她，坦白說：「邊個廿幾歲女仔唔想拍拖呀，我都想。」

文：音樂組

攝：馬永堅

場地：修士吧＠美麗華商場