近年隱居加拿大的王祖賢，甚少公開露面，有消息指她在加拿大削髮為尼，記者就此事致電王祖賢好友杜惠東，他說：「近年王祖賢潛心向佛，佢住嘅地方附近亦有一間尼姑庵，但因為我已經無同佢聯絡，所以唔能夠證實消息真定假，不過，佢好可能係因為今年五月嘅時候，聽到前男友齊秦同蕭薔拍拖，仲有機會喺今年結婚嘅消息刺激，再加上佢年前復出拍《遊園驚夢》，一心要重返影圈，準備有一番作為，可惜部戲攞獎嘅係另一女主角宮澤理惠，搞到佢心灰意冷，喺愛情、事業都唔係咁如意嘅情況下，將精神專注研究佛經，所以出家為尼都有可能。」

齊秦久未聯絡

王祖賢另一好友施南生、汪小姐及《遊園驚夢》導演楊凡昨接受訪問時，則異口同聲表示未聽過此消息。至於齊秦，早前他透露過知道王祖賢一直潛心向佛，所以出家是不出奇的事，而他四月曾到加拿大並致電王祖賢但最終都找不到對方，他已跟王祖賢有一段時間沒有聯絡。

婚事告吹退隱

王祖賢十六歲入行後，情路可說相當坎坷，先跟齊秦拍拖，後與已婚富商相戀，因此段戀情不獲富商母親認同，更公開辱罵王祖賢，令她最終斬斷情絲，回到台灣，之後再跟齊秦舊情復熾，並於九九年預備結婚，怎料，卻在此時突然爆出齊秦與一女子已同居多年並有小朋友，結果婚事告吹。王祖賢亦傷心欲絕，到加拿大溫哥華隱居讀書。

文：影視組