昨日新太陽廣場舉行「新地支持環保——全線派發環保購物錦囊」活動，請來椋名凜與外籍model當街派環保袋。向來愛作性感誇張打扮的椋名凜，未知是否受艷照報道影響，昨日離奇封胸，艷光不再。在大會特設的即場派發環保袋環節中，收起性感的椋名凜即使落力hard sell，但依然乏人問津，情況頗為尷尬。其後，椋名凜受訪時全程找來助手護駕翻譯，她甫見記者即大呻不開心：「成個人直頭失晒魂，連出街都唔記得帶化妝袋同電話，搞到公司搵唔到我，今日都遲大到。」

欲做湯唯第二

對於日前被踢爆日本藝名及拍下艷照，椋名凜再三強調：「嗰啲絕對唔係裸照，（之後會唔會拍？）咁又唔知，（睇錢？）唔係，視乎美感！我好鍾意梁朝偉，如果可以同佢一齊拍戲，要好似湯唯咁全裸都會考慮。」她又解釋名字一改再改，全因風水師的建議，指有助改善工作運，不過就拒絕透露真名，謂不想影響到家人。

文：名人組