由鄭嘉穎、王喜、黃宗澤及胡杏兒等人主演的新劇於前晚正式首播，反應頗佳，首集最高收視有卅八點，嘉穎揚言若收視有四十點的話，會考慮動議所有男演員穿三角泳褲慶祝，並稱：「係都幾爆！」
新劇《烈火雄心3》於前晚正式播出，錄得平均卅六點、最高卅八點收視的成績，即有超過二百四十二萬人收看，平了○六年《火舞黃沙》首集紀錄，亦是今年劇集之冠。監製王心慰昨日特別相約嘉穎、杏兒、王俊棠及高鈞賢等演員進行簡單慶祝，而黃宗澤與王喜因有工作在身，未能出席。
胡杏兒在旁打氣
一眾演員為此佳績感到興奮，其中嘉穎更以受寵若驚來形容：「最希望觀眾鍾意睇，繼續支持。（有信心延續？）依家言之過早，我預計唔到，估都估恒生指數啦！」問嘉穎會否穿性感三角泳褲答謝觀眾？他尷尬地說：「係都幾爆！平均四十點我可能會同班拍檔商量下，得我一個着好異相嘅！」在旁的杏兒則一副漁人得利模樣，笑言會在旁邊做啦啦隊為「泳褲男」打氣，問到會否單獨跟緋聞男友黃宗澤慶祝？她謂：「我同佢喺劇入面冇關係㗎！」
王喜被讚好身手
另外，王喜透露早收到好多朋友恭賀：「佢哋話首集嘅水中拯救場面好有荷里活感覺，我前經理人仲話估唔到我仲有咁嘅身手。」
文：影視組