早前曾傳出汪圓圓與黃家諾夜蒲跳貼身舞，昨日她出席化妝品牌Max Factor活動，強調男方無意追求她，兩人只是在夜店巧遇，對傳聞她不怒反笑說：「我哋只係跳咗幾分鐘舞，唔知點解會有咁嘅報道，我家姐同姐夫同佢（黃家諾）都好熟，睇到段報道都覺得好好笑。（覺唔覺得佢追你？）唔係，一直都冇，我哋曾經合作過，我當佢係師兄、前輩。」現時單身的圓圓，問到黃家諾是否她的合適對象？她認真地說：「唔會用咁嘅目光對待佢。」