Carol由於上圍出眾、樣貌清純，成功揮低李曼筠（Maggie）躍升為電車男首席女神，網上熱爆程度可媲美新咪神Lavina。人紅自然是非多，近日有網民幫Carol大起底，除了上載她年前為陳曉東的《自由書》KTV擔任女主角的片段外，更踢爆她正蜜運中，男友名叫Dennis Ng，更上載二人的親密合照為證。

彈男友樣貌普通

照片中的Carol不施脂粉，與出騷時的性感打扮判若兩人，要落足眼力才能認出她；而被指是Dennis的男生則從後輕輕攬着Carol，表現恩愛。對於「電車女神」名花有主，令不少網民大表失望，更有人狠批Dennis相貌普通。

承認拍拖七個月　

被爆有男友，Carol直認不諱，更說已拍拖七個月，感情穩定：「係佢追我嘅，我鍾意佢份人夠純、夠穩陣，好有安全感。佢係我大學同學，大家讀埋同一班。（佢係咪眼大大、眉粗粗？）我唔想公開佢個樣。」雖然直認拍拖，Carol卻不欲拿感情事炒作，似暗寸G模Rainbow及Lavina以緋聞博上位，她說：「男友唔介意我做呢行，但我真係唔想講咁多關於佢嘅詳情，我唔想用戀情做炒作。」

文：專案組