鍾欣桐（阿嬌）昨日與緋聞男友麥浚龍（Juno）前後腳到電台宣傳，阿嬌強調與對方沒有聯絡幾個月，似劃清界線，不過Juno卻自爆日前才傳短訊給她，口供明顯有出入，Juno最後以「咁即係覺得我講大話」表清白。
阿嬌昨日頭戴漁夫帽精神奕奕出席電台訪問，由於緋聞男友Juno的受訪時間與她相距個半小時，雖則兩人均表示不介意合照，但最終未能成事，阿嬌表示不知Juno亦在電台，她說：「撞到都會打招呼。（合照？）撞到先，不過我OK，公司唔OK，冇計。」記者即表示會主動拉攏，阿嬌重複唱出「何必呢」三字。
數個月冇聯絡
阿嬌強調已有數個月沒有與Juno見面及聯絡，問到是否分手？她說：「咩分手？（朋友都會掛住？）太多朋友好難掛得晒。」隨即透過記者向Juno問好，她道：「你哋幫我同佢Say Hi。」即將舉行舞台劇的阿嬌坦言會主動通知對方捧場。對於有傳張栢芝懷有三個月身孕，阿嬌表示不知情，但會傳短訊給對方，並踢爆謝霆鋒夫婦最愛不聽電話。
晒模親熱照
Juno自爆日前才傳短訊給阿嬌，對於與阿嬌口徑不一，Juno無奈說：「咁即係覺得我講大話？」問到兩人是否分手？Juno說：「一向都係朋友，唔係拍拖。（下次夾定口供？）點解？傳媒諗多咗。（唔放你個訊息在眼內？）冇諗咁多。」
此外，Juno在Blog上大晒他與G模Annie G.拍攝新歌《弱水三千》MV的親熱照，同時Juno又大讚Annie操得一口流利的西班牙語，為人爽直，是個很好的拍檔。
採訪：音樂組