前晚《冰河世紀3大威龍駕到》舉行慈善首映，除一眾配音演員李璨琛、林曉峰、少爺占及官恩娜等出席外，何超雲、何超蓮、何猷啟三姊弟妹亦前後腳出現，一身低胸性感打扮的超雲到場時撞正人氣靚模Rainbow（胡心諾）、Lavina（鍾蕙芝）、Monique（周凱盈）和Yuki，問她認不認識這班靚模，超雲反應甚大並掩嘴笑，反問：「吓？咩模？我都唔知咩模！（咁佢哋靚唔靚呀？）各花入各眼啦！（係咪你索啲呀？）梗係！」

一眾靚模當前，超雲睇見都偷笑。	Lavina（右起）、Rainbow、Yuki與Monique齊齊睇首映。	何超蓮與猷啟孖住來睇戲。

M到跌Watt爆瘡

被超雲視為「唔知咩模」的Rainbow，前晚爛面爆瘡，明顯跌Watt，她說：「可能壓力大，加上出寫真，同埋就嚟M（月經）到囉，不過唔怕，唔擔心，好快好番。」

官恩娜唔介意騷玉背。

官恩娜與陳玉蓮相識不久已十分投緣。

官恩娜蓮妹投緣

官恩娜前晚請來陳玉蓮捧場，她表示兩人相識不久，但非常投緣，陳玉蓮對同場的靚模表現友善，她說：「最緊要靚，尤其係後生就最代表靚，冇嘢唔可以接受。」昨日Lavina接受電話訪問，反擊超雲言論，直言每人有不同特質，她們亦有自己的捧場客，Lavina更揚言日後發展得好，到時超雲「想唔識都唔得」！

文：影視組