本文重點
劉美君前晚踩入電視城，與古巨基、謝安琪、側田及藍奕邦等為歌唱節目《超級巨聲》擔任評判，當晚大會將一百名參賽者淘汰剩三十個，身為主持的劉美君即笑言已不捨得被淘汰的參賽者：「見到佢哋好齊心，令到我好感動！我都擔心見到佢哋被人淘汰會忍唔住喊。（做主持有壓力？）係，最大壓力就係要睇中文稿，因為我中文唔係太好。」為了以「冷面評判」狠批參賽者，當15號參賽者張家縈出場時，她說：「你咁嘅『款』好難贏到冠軍喎！不過，蘇永康出道嗰陣我都覺得佢唱歌好聽。」她又鼓勵參賽者，表示當年自己出道時被狠批年紀大、結過婚又曾生仔，不過唱片一樣賣個滿個紅。
側田嘲露腩引死女
與同場的側田及郭偉亮則變身訓導主任喪插參賽者，其中92號的林師傑獻唱期間拉起上衣露出腹肌，更被側田及藍奕邦直指不是好歌手，側田更嘲說：「你唔係喺度唱緊歌！不過你呢個market一定有好多公司簽，因為只要你掹高件衫露個腩出嚟，啲妹妹就已經癲晒！」
不過，事先張揚「冇面畀」要求高的基仔，見到眾參賽者被狠批時即起惻隱之心，除為他們打拍子支持外，更大讚十一歲的參賽者趙展彤，其演出令他喜出望外。另外，在節目尾聲藍奕邦不慎差錯腳跌落台，不過幸好並冇大礙。
文：影視組