鍾欣桐（阿嬌）前晚欣賞舞台劇時，透露最近接受演藝訓練後，大大改善發聲的問題：「依家上咗六堂，學到好多嘢，糾正咗我有問題嘅地方，例如發聲同呼吸，連生活上嘅小習慣都改咗。」阿嬌坦言今年工作繁忙，暫未有機會和師傅合作舞台演出，但正籌備舞台劇《星爸亞爸》的她則定會請師傅指點。她又謂由於首次演舞台劇，仍未習慣在人前表演：「依家開始圍讀，八月就集中排練，如果做足準備就唔會有好大壓力！加上同我做戲嘅陳淑儀好資深，畀到好多安全感我，亦學到好多嘢。」
前晚畀面撐場的還有張艾嘉及薛家燕等，家燕姐帶同回港放暑假的兒女同行，她說：「佢哋喺外國生活得耐，對香港文化都唔咁認識，今次當家庭教育，又可以加深佢哋對香港嘅了解。」
