昨日Yumi和Rain出席《apm X 第三屆全港父子兵騎牛牛競技賽》，Yumi穿着由大會提供的緊身bra外加背心騷胸露腰，期間與小朋友玩騎牛牛時，小童的父親幫手「上背」，但未知是否Yumi太惹火性感，小童母親立時衝出來幫手，免得老公被電暈，而同場相比打扮密實的Rain，當然失色不少。

向來守身如玉的李彩華，暗指Yumi打扮欠矜持。

Yumi和小童玩騎牛牛，頻頻彎腰俯身，盡展驕人身材。

暗嘲冇矜持

問到Rain可覺被Yumi搶鏡，她說：「佢身材好，依家興嘛！（你會否豁出去性感？）應該保持一啲矜持，真正嘅男仔會喜歡有矜持嘅女仔，我驚啲BB問點解個姐姐着成咁，唔識答！」

Rain表示現在g模性感風氣盛，但自己不會跟風，比堅尼應在私人時間着，問到是否認為Yumi不應在小童前性感，「我會着得端莊啲，否則對BB唔係幾好。」另外，她希望找個能負託終身的男友，至於對王傲山會否有信心，「希望啦，有咁嘅機會。」Rain一臉甜笑地說。

自爆同趙碩之嗌交

Yumi雖然一身惹火打扮，但認為是健康性感，希望大家別生邪念，更笑言如果是該小童的母親，見有性感靚女站在丈夫旁也會衝出來幫手。對於Rain指無矜持，Yumi說：「少少性感OK，我青春後生，想騷多啲優點。」另外，Yumi坦言趙碩之不滿她日前承認「唔啱傾」，更自爆曾跟對方在錄音室吵架。「當時佢語氣好差，唔知佢係咪M到！」

採訪：名人組