前晚任賢齊、任達華及琦琦一同出席Omega活動，被問到父親節怎樣慶祝時，小齊謂女兒早已送上一幅畫給他，但他最大的願望還是希望人人健康平安，他說：「依家香港有本地流傳豬流感（H1N1甲型流感）個案，我咁啱又喺香港做嘢，平時又要成日飛，所以每次返屋企都即時洗澡，呢排買得最多就係消毒藥水，因為台灣已經斷晒貨。」而他近日又為將放暑假的女兒頭痕，因要計劃在豬流感肆虐下，該帶女兒到甚麼地方消遣。
另外，同場的任達華與琦琦亦相當頭痛，因為女兒報讀的話劇團有兩名小朋友證實確診豬流感，琦琦說：「臨表演前兩個鐘大會先話取消，話有小朋友感染咗豬流感，嚇得我哋即刻畀女女食維他命同做大消毒，仲成晚都唔敢瞓，要留意佢有冇發燒同唔舒服。」