蕭希榆（Ruby）昨為代言的護膚品牌美肌5誌旗下的嫩白緊緻系列面膜拍廣告，廣告商為她設計「樹美人」造型，由於樹形頭飾分量十足，Ruby受訪期間要助手幫手扶住頭飾。
談到今次的工作，Ruby說：「整呢個頭用咗個幾鐘，條頸都有少少痛，不過廣告商好錫我，畀咗好多面膜我用，我除咗敷面仲敷埋個身。」Ruby透露是次酬勞達六位數。對於李蘢怡指靚模只識拋胸好廢，將出寫真集的Ruby指拋胸是風氣：「男女都鍾意睇清涼啲嘅嘢，得個胸就拋胸，有腦就拋腦，有書包就拋書包囉，只係畀觀眾多啲選擇，我本寫真就有散文同ＭＶ，希望大家可以睇到唔同方面嘅我。」
