臨近父親節，「地獄廚神」Chrissie決心來個大翻身，學整朱古力送給父親，Chrissie知道父親不嗜甜，特意叫師傅教她整黑朱古力，果然體貼！今次Chrissie雖然經常記錯步驟，但整體表現相當不錯，連師傅都大讚她有板有眼。

Chrissie整朱古力功架十足。	祝爸爸父親節快樂！	Chrissie展示製成品，開心晒勝利手勢。

樂在其中

不過Chrissie攪朱古力漿時卻非常大意，漿花四濺，令雙手沾滿黑色的朱古力漿，慘變「黑手黨」，難得Chrissie毫不介意，繼續樂在其中，埋首苦幹，到最高難度的倒模時，師傅見她有點兒雞手鴨腳，即出手相助。

兒時往事

為了令這份禮物更有心思，最後，Chrissie特意在朱古力上面寫上「Happy Father's Day」及畫上她最愛的星星圖案。禮物完成時，Chrissie不禁想起兒時往事：「我爸爸因為工作忙好少喺屋企，有次佢應承咗帶我同細佬去海洋公園玩，點知佢臨時有嘢做要取消。我就即刻扭計，爸爸最後都唔忍心，結果推咗啲工作帶我哋去玩。嗰次爸爸仲克服畏高症，同我哋一齊坐纜車，依家諗番起都好感動。」

Chrissie又透露父親在家中是扮演好人角色，鬧人重責則落在媽媽身上。

文：專案組