豬流感（H1N1甲型流感）肆虐，政府宣布全港幼稚園停課，令不少家長失去預算，前日更有三歲小童陪媽媽上班途中遇車禍喪命。育有一女Ella的任達華對此事大感遺憾，但絕對支持停課決定，且呼籲謂：「應該連中學都要（停課），學業、經濟始終都唔及生命咁寶貴，冇得諗㗎喇，唯一我覺得政府做得唔夠嘅，係冇喺任何電視台開設教育頻道。成日話着重教育，一個咁先進嘅地方，點可以冇呢樣嘢呢？」
由於囡囡提早放暑假，華仔決定未來數月減產陪愛女，問他會否打算出埠？他說：「唔會喇，留港消費，得閒帶佢去公園做運動囉。」至於有家長發起罷交七月份學費，華仔則不贊同此舉：「咁又唔得，人哋都要運作嘅，況且學校都唔想咁嘅。」