【羅宛君成都直擊】古巨基早前因過檔問題被舊公司的梁漢文（Edmond）暗寸，雙方昨晚現身成都首度同台演出，基仔堅稱跟金牌大風歌手有傾有攬，但他和Edmond全程零交流視而不見，友好關係似乎不復再。
《第六屆勁歌王全球華人樂壇年度總選頒獎典禮2009》昨晚原定假成都體育中心舉行，但因天氣關係，大會將頒獎禮移師到酒店會議室進行，出席歌手包括古巨基、蔡卓妍、鄭希怡、泳兒、陳偉霆、梁漢文、側田、吳雨霏、鄧麗欣及蘇永康等，其他則有楊千嬅、鄭融、衞蘭、農夫及賈曉晨（JJ），不過容祖兒因班機延誤缺席，改為現身慶功宴。
讚英皇大方
剛加盟英皇的基仔和金牌大風歌手昨晚首度同場碰面，基仔稱獲獎歌曲雖是金牌大風旗下，但英皇仍努力替其爭取獎項，故大讚英皇十分大方，又言：「亦唔可以抹殺金牌大風嘅同事，佢哋幫我宣傳付出好多努力，都要答謝佢哋。」
有傳基仔早前因轉會一事被Edmond暗寸，雙方關係變僵，昨晚基仔和Edmond在台上更零交流，事後基仔否認見到Edmond感尷尬：「喺香港機場都有撞到金牌大風嘅歌手，大家有傾有攬，（同邊個攬？）小肥同側田，我同Edmond都有打招呼。」
據知今次是金牌大風首次聚集中港台三地歌手現身頒獎禮，並獲廿四個獎，當中羅志祥（小豬）和蕭亞軒獲「台灣地區最受歡迎男、女歌手」，而小豬、蕭亞軒、側田和周筆暢各奪三獎，鄧麗欣獲「飛躍歌手」獎。
賈曉晨露背
另外，頒獎禮上不少女歌手以性感服飾爭妍鬥麗，最性感莫過於穿大露背的JJ，她自爆只貼了乳貼及「缽仔糕」，鄭希怡則以小露背裝束上陣，久未露面的黃伊汶亦不輸蝕，以超短熱褲現身，蕭亞軒更露出黑色bra邊。