出爐影帝張家輝接受節目《星星同學會》主持吳君如訪問時，慨嘆自己在亞視効力數年期間，有感收視低和觀眾人數不多，就算再努力也徒然，感到心噏和不開心。他又稱曾經出席亞視一個大型節目活動後，駕車回家途中一時感觸流下男兒淚。他說：「我阿媽有段時間都有睇我嘅演出，但後尾都冇睇。」
幫有線倒米
另邊廂，亞視一哥陳啟泰接受查小欣電台節目訪問，為亞視大平反。雖然他認同在亞視努力工作未必有用，但指自己在無綫八年，知名度反而不及他主持亞視節目《百萬富翁》，故認為一切要看時機。
最近陳啟泰以亞視藝員身份亮相有線主持節目《神探CSI》，但他倒米說：「我自己較為草根。屋企冇裝有線，唔會每個月畀錢去申請。」日前陳啟泰、張達明、蔣怡和焦媛出席開鏡拜神儀式，他表示會打人情牌邀請藝人和政客出席節目。
張智霖扮傻
另外，《星星同學會》的另一嘉賓張智霖，被吳君如問到有否見過好友郭富城的「天王嫂」時，他扮傻說：「邊個？冇見過。」吳君如即踢爆他曾被拍下一起打桌球，張智霖說：「唔知呀。」問他為何經常與郭富城只會「打邊爐」和「打桌球」？他謂：「因為佢係舞台王者，同現實生活有隔膜，佢淨係識呢兩樣嘢，唔識搵其他嘢。」 文：影視組