泳兒本月25日假會展舉行音樂會，前晚她積極為音樂會練舞，身穿跌膊上衣的她邊跳邊跌bra帶，性感誘人，泳兒更做出高難度一字馬，令現場人士看得目瞪口呆，她說：「呢排日日拉筋，所以先做到一字馬！」泳兒透露會破天荒和排舞師大跳床上舞，泳兒說：「呢part舞有少少sexy，大家都會有身體接觸，好似我會鈎住同攬住佢嘅身體，但唔會太激，畀啲遐想大家，老少咸宜㗎！」她又笑言：「呢排我都要揀定大床，最好係king size，因為我哋動作好大！」

泳兒做出高難度一字馬，令人看得目瞪口呆。

泳兒表示跳舞不是她的強項，覺得有壓力。

難得阿倫做嘉賓

至於服裝方面，泳兒坦言不乏性感服飾，她說：「會有幾part比較性感，但唔會太少布，因為我驚跳舞會走光！」而泳兒早前透露已邀得出爐影帝張家輝和海鳴威任嘉賓，前晚她再透露譚詠麟（阿倫）已答應擔任嘉賓，泳兒興奮表示：「好開心同好榮幸可以請到校長做我嘉賓，最難得係我哋唔同公司佢都肯應承，每次見到佢，都會畀意見我，希望校長做我嘉賓之餘，仲可以睇埋個騷，之後我可以問番佢有咩意見！」

唔擔心歌迷呷醋

另外，泳兒表示跳舞不是其強項，所以感到十分大壓力，幸好現階段綵排順利，舞步雖然只排了半個月，但泳兒已跳得有板有眼，問她跟男舞蹈師大跳床上舞會否擔心歌迷呷醋？她說：「唔會，我哋都係點到即止啫！」

文：音樂組